Gasherbrum I | |
---|---|
monte | |
![]() | |
Situación | |
País | ![]() |
Rexón autónoma | Sinkiang |
Prefectura (es) ![]() | Prefectura de Kasgar (es) ![]() |
Cordal |
Gasherbrum (es) ![]() |
Coordenaes | 35°43′28″N 76°41′47″E / 35.7244°N 76.6964°E |
Datos | |
Altitú | 8080 m |
Prominencia | 2155 m |
![]() |
El Gasherbrum I (urdú: گاشر برم -1; chinu tradicional: 加舒爾布魯木I峰, chinu simplificáu: 加舒尔布鲁木I峰, pinyin: Jiāshūěrbùlǔmù I Fēng), tamién conocíu comúnmente como Hidden Peak (el Picu Ocultu) y, menos frecuentemente, como K5 o como Moravi I, con 8.068 msnm, ye l'oncenu monte más altu de la Tierra. Ta asitiáu na frontera ente los países de Paquistán, na rexón del Gilgit-Baltistán, y Xinjiang distritu occidental de China. El Gasherbrum I forma parte del macizu de los Gasherbrum, allugáu nel cordal del Karakórum.
El topónimu Gasherbrum foi traducíu n'ocasiones como Cara o “Muriu Resplandorientu”, probablemente como referencia a la cara más visible del cume vecín del Gasherbrum IV; pero en realidá deriva de les pallabres "rgasha" (formosu) y "brum" (monte) proveniente de la llingua llocal Balti, polo qu'en realidá significa "Monte Formosu."
El Gasherbrum I tamién foi designáu per primer vegada como K5 (el 5º picu del Karakórum) na espedición de Thomas George Montgomerie realizada en 1856 cuando dibuxó, describió y nomó los mayores cumes del macizu del cordal dende una distancia de más de 200 km mientres el gran viaxe del Great Trigonometric Survey realizáu a Paquistán y a la India. En 1892, William Martin Conway suxurió'l nome alternativu de Hidden Peak, en referencia a la so estrema alloñanza y dificultá d'accesu y de visibilidá. Pa evitar tracamundios ente los distintos Gasherbrum, esi nome prevaleció como denominación identificativa pa esti picu concretu y, sobremanera, pa estremalo del cercanu Gasherbrum II.
El Gasherbrum I foi esguiláu per primer vegada'l 5 de xunetu de 1958 polos montañeros Pete Schoening y Andy Kauffman, dientro d'un equipu estauxunidense d'ocho escaladores empobináu por Nicholas B. Clinch. Ente los alpinistes del grupu, tamién taben los escaladores Richard K. Irvin, Tom Nevison, Tom McCormack, Bob Swift y Gil Roberts.[1]